EXCEL за 7мо

КОИ СЕ МОЖНОСТИТЕ НА ПРОГРАМАТА EXCEL?

Excel  е програма која овозможува:

·       подредување на податоците во табела,

·       табеларни пресметки и

·       графички приказ на податоците

КАКО Е ПОДЕЛЕН РАБОТНИОТ ДОКУМЕНТ

·       Работниот документ се состои од работни листови.

·       Работниот лист е поделен на: колони означени со букви и редици означени со броеви.

·       Работните листови имаат име. Може да се додаваат, бришат, копираат, отсекуваат и преместуваат во истиот или во друг работен документ.

·       Пресекот на една редица и колона е правоаголниче кое се вика клетка.

·       Секоја клетка има адреса која се формира од буквата на колоната и бројот на редицата. На пр. В13, AB22

·       Податоците се внесуваат во клетка. Истовремено НЕ може да се внесуваат податоци во повеќе клетки.

·       Клетките може да се пополнуваат со податоци и АВТОМАТСКИ. (со редни броеви, месеци, денови од неделата и сл.)

·       Во клетките може да се внесуваат текстуални и бројни податоци, формули и функции.

На пр. Текстуален податок е Ана123, броен податок е 123, формула е =12*А1, функција е = SUM(A1:B3).

ФОРМАТИРАЊЕ податоци и клетки

·       Податоците се форматираат по: фонт, големина, стил, боја, позиција.

·       Бројните податоци може да се форматираат како: децимални броеви, позитивни и негативни броеви, валута, време, текст и сл.

·       Клетките се форматираат со: позиција, дебелина и боја на рабовите и со позадина.

·       Со селектирање повеќе клетки и податоците во нив може да се форматираат истовремено.

·       При бришење на податоците од клетките, форматот останува.

·       При копирање или отсекување на податоците од клетките се копира и отсекува и форматот на податокот и клетката.

СОСЕДНИ, НЕСОСЕДНИ КЛЕТКИ И РАНГ

·       Клетките од работниот лист може да бидат соседни и несоседни.

o    Соседни клетки се оние кои имаат заедничка редица или колона.

o    Несоседните клетки се од различни редици и колони.

·       Група на соседни клетки се вика РАНГ. Рангот има адреса на пр. А2:С5.

ФОРМУЛИ И ФУНКЦИИ

·       Формулите се математички изрази во кои се користат броеви, адреси на клетки и математички симболи (+,-,*,/ и др.).

·       Функции се готови формули кои имаат име. На пр. SUM, MIN, MAX, Average.

·       Пред формулите и функциите кои се внесуваат во клетка мора да се впише знакот =. Во спротивно запишаниот израз ќе биде обичен текст.

·       Со промена на вредноста во клетките се менува и вредноста на формулите и функциите во кои се користат тие клетки. Тоа се вика ДИНАМИЧКО табеларно пресметување.

Пр. за формула: =2*А3-(4*В12)

Пр. За функција: =MAX(А2,А3,В1:В10)

ГРАФИК

·       Сликовитиот приказ на податоците се вика график.

Видови графици

·       Графикот може да биде: столбест, линиски, пита и др. Типот на графикот зависи од тоа каква анализа треба да се направи на податоците (споредување, промена, пратење и сл.)

Карактристики на график

·       Графикот има наслов, име на оските, легенда.

·       Може да се форматира со избор на фонт, големина и боја на текстот, позадина, боја на графичките елементи, дебелина на оските и сл.

·       Со промена на вредностите на податоците во клетките се менува и изгледот на графикот. Тоа се вика ДИНАМИЧКИ график.

WORD за 6то

-->

Word е програма текст процесор за пишување и уредување на текст.

Word документот е поделен на страници.

ЛЕНТИ СО АЛАТКИ

-        стандардна лента за работа со фајлови               Standard

-        лента за форматирање на текстот                        Formatting

-        лента за цртање и графички објекти                    Drawing

-        статусна лента                                                       Status

ПРАВИЛА ЗА ПИШУВАЊЕ ТЕКСТ

·       Помеѓу зборовите се остава едно празно место.

·       После интерпункциските знаци (.,:?) се остава едно празно место

·       Пред интерпункциските знаци не се остава празно место.

ФОРМАТИРАЊЕ НА ТЕКСТ

Уредувањето на изгледот на текстот уште се вика и форматирање.

За да се форматира текстот може да се избере:

·       Фонт,

·       големина на фонтот,

·       боја,

·        позадина на текстот,

·       стил (задебелени букви, подвлечени, искосени),

·       позиционирање во редот (лево, средина, двојно порамнето и десно) и др.

Кога се отсекува или копира текст се копира и неговиот формат.

СЛИКИ И ГРАФИЧКИ ОБЈЕКТИ

·       Во текстуален документ може да се поставуваат слики, графички објекти и украсно пишување.

·       Сликите се поставуваат во документот на местото каде што е курсорот - покажувачот.

·       Сликите може да се внесат од специјален фолдер од самата програма Clipart , од фолдер на компјутерот или од друга програма со copy-paste, од камера и сл.

·       Димензиите на сликите може да се менуваат, сликите може да се бришат, копираат, отсекуваат и преместуваат.

РАМКИ

Каде може да се постават

·       Во текстуалниот документ може да се поставуваат рамки: околу текстот, околу сликите или на целата страница

Правила за поставување

·       Избраната рамка на страница се појавува на сите останати страници од документот. Не може да ја има само на одредени страници туку на сите.

АВТОМАТСКО НАБРОЈУВАЊЕ

• Во програмата за пишување и уредување на текст може да се користи автоматско набројување: со броеви, букви или знаци и комбинирано.
• По потреба начинот на набројување може да се менува или набројувањето да се избрише.

ТАБЕЛИ

• Податоците во програмата може да се подредуваат во табела.
• Табелата се состои од редици и колони.
• Во пресекот на една редица и колона се наоѓа поле кое го викаме клетка.
• Редиците и колоните може да се додаваат и бришат, спојуваат и разделуваат.
• Изгледот на табелата може да се уредува - форматира со избор на стил, дебелина и боја на рабовите и позадина на клетките.
• Со селектирање на редица, колона или цела табела и со притискање на копчето DELETE од тастатурата се брише само содржината на табелата а не и самата табела
• Табела, редици или колони од табелата се бришат со : селектирање и избор на наредба од менито на Table за бришење редици и колони

МАРГИНИ И ОРИЕНТАЦИЈА НА ЛИСТ

• Белите површини на листот околу текстот се викаат МАРГИНИ.
• На листот има 4 маргини – горна, долна, лева и десна. Нивната големина може да се менува.
• Листот на кој се пишува може да има 2 ориентации: хоризонтална - пејсаж и вертикална - портрет.

ПЕЧАТЕЊЕ

При печатење на текстуален документ треба да се избере:

·       печатар, ако на комјутерот се поврзани повеќе од еден печатар

·       страници кои треба да се печатат: сите, тековната (кај што е курсорот), група на страници (во редослед на пр. Од 3-12 или несоседни 12, 14, 23, 29). Исто може да се избере и број на копии од страниците кои се печатат.