Видео записи од приредбата за Европскиот ден на јазиците

Екстерно 7мо одделение ИНФОРМАТИКА прашања и одговори

КЛИКНИ

Програма за табеларни пресметки - Excel

КОИ СЕ МОЖНОСТИТЕ НА ПРОГРАМАТА EXCEL?

Excel  е програма која овозможува:

·       подредување на податоците во табела,

·       табеларни пресметки и

·       графички приказ на податоците

КАКО Е ПОДЕЛЕН РАБОТНИОТ ДОКУМЕНТ

·       Работниот документ се состои од работни листови.

·       Работниот лист е поделен на: колони означени со букви и редици означени со броеви.

·       Работните листови имаат име. Може да се додаваат, бришат, копираат, отсекуваат и преместуваат во истиот или во друг работен документ.

·       Пресекот на една редица и колона е правоаголниче кое се вика клетка или ќелија.

·       Секоја клетка има адреса која се формира од буквата на колоната и бројот на редицата. На пр. В13, AB22

·       Податоците се внесуваат во клетка. Истовремено НЕ може да се внесуваат податоци во повеќе клетки.

·       Клетките може да се пополнуваат со податоци и АВТОМАТСКИ. (со редни броеви, месеци, денови од неделата и сл.)

·       Во клетките може да се внесуваат текстуални и бројни податоци, формули и функции.

На пр. Текстуален податок е Ана123, броен податок е 123, формула е =12*А1, функција е = SUM(A1:B3).

ФОРМАТИРАЊЕ податоци и клетки

·       Податоците се форматираат по: фонт, големина, стил, боја, позиција.

·       Бројните податоци може да се форматираат како: децимални броеви, позитивни и негативни броеви, валута, време, текст и сл.

·       Клетките се форматираат со: позиција, дебелина и боја на рабовите и со позадина.

·       Со селектирање повеќе клетки и податоците во нив може да се форматираат истовремено.

·       При бришење на податоците од клетките, форматот останува.

·       При копирање или отсекување на податоците од клетките се копира и отсекува и форматот на податокот и клетката.

СОСЕДНИ, НЕСОСЕДНИ КЛЕТКИ И РАНГ

·       Клетките од работниот лист може да бидат соседни и несоседни.

o    Соседни клетки се оние кои имаат заедничка редица или колона.

o    Несоседните клетки се од различни редици и колони.

·       Група на соседни клетки се вика РАНГ. Рангот има адреса на пр. А2:С5.

ФОРМУЛИ И ФУНКЦИИ

·       Формулите се математички изрази во кои се користат броеви, адреси на клетки и математички симболи (+,-,*,/ и др.).

·       Функции се готови формули кои имаат име. На пр. SUM, MIN, MAX, Average.

·       Пред формулите и функциите кои се внесуваат во клетка мора да се впише знакот =. Во спротивно запишаниот израз ќе биде обичен текст.

·       Со промена на вредноста во клетките се менува и вредноста на формулите и функциите во кои се користат тие клетки. Тоа се вика ДИНАМИЧКО табеларно пресметување.

Пр. за формула: =2*А3-(4*В12)

Пр. За функција: =MAX(А2,А3,В1:В10)

ГРАФИК

·       Сликовитиот приказ на податоците се вика график.

Видови графици

·       Графикот може да биде: столбест, линиски, пита и др. Типот на графикот зависи од тоа каква анализа треба да се направи на податоците (споредување, промена, пратење и сл.)

Карактристики на график

·       Графикот има наслов, име на оските, легенда.

·       Може да се форматира со избор на фонт, големина и боја на текстот, позадина, боја на графичките елементи, дебелина на оските и сл.

·       Со промена на вредностите на податоците во клетките се менува и изгледот на графикот. Тоа се вика ДИНАМИЧКИ график.

КОМПЈУТЕРСКА ПРЕЗЕНТЦИЈА

Компјутерска презентација

1.      Презентацијата направена со компјутерска програма се вика КОМПЈУТЕРСКА ПРЕЗЕНТАЦИЈА.

2.      Програма за креирање Компјутерска презентација e:

-          Power Point од програмскиот пакет Microsoft Office

-          Impress од пакетот програми OpenOffice.org

3.      Компјутерската презентација се состои од СЛАЈДОВИ.

4.      Слајдовите може да се:

-          додаваат,

-          бришат,

-          отсекуваат

-          копираат

-          преместуваат

5.      Приказот на слајдовите од презентацијата на цел екран по одреден редослед се вика СЛАЈД ШОУ.

Од почеток – F5

Од тековен слајд – Shift+F5

6. На слајдовите може да се поставуваат:

• текстуални, графички, видео и аудио објекти.

7. За поставување објекти на слајдот треба да се избере шема на слајдот: Layout.

Видови шеми на слајд:

-          наслов

-          наслов и поднаслов,

-          наслов и набројување

-          наслов и набројување и слика

-          наслов и слика

слика...

8. Помеѓу слајдовите може да се постават ЕФЕКТИ НА ПРЕМИН- ТРАНЗИЦИЈА:

- звучни

- видео

- исти или различни за сите слајдови

- преминот меѓу слајдовите може да биде:

а. со клик

б. автоматски со поствување на време

9. На слајдовите може да се поставуваат ПОЗАДИНИ – BACKGROUND:

-во една боја,

- во две и повеќе бои,

- готови позадини,

- шaри

10. Позадините  може да се исти или различни за секој слајд.

11. На објектите на слајдот се поставуваат ЕФЕКТИ НА АНИМАЦИЈА.

12. Видови анимациски ефекти:

       - влез,

            -нагласување  

-патека на движење,

- излез.

13. На еден објект може да му се постават повеќе анимациски ефекти.

14. Анимациските ефекти може да се менуваат по изглед и редослед и да се бришат.

15. За анимациски ефект може да се избере:

- начин на активирање (на клик, еден по еден, истовремено),

- насока,

- брзина и сл.

16. На Анимациските Ефекти може да им се додаде и звучен ефект.

17. На објектите на слајдот може да се поставуваат хиперврски.

18. Хиперврските може да водат:

• од еден кон друг слајд во презентацијата или
• кон друг документ на компјутерот или Интернет.

19. Хиперврските може да се менуваат, бришат, копираат.

20. На еден објект може да му се додели само една хиперврска.

21. На повеќе различни објекти може да им се додели иста хиперврска.